لو حقيقي إنسان

لو حقيقي إنسان .. ما ينفعش تنام و غيرك جعان .. ما ينفعش ترتاح و مريض مش لاقي علاج .. ما ينفعش تقول أنا أعرف ربنا و إنت لا تعين خلقه.. ما ينفعش تشعر بالنجاح و النعم و لا تتمناها لغيرك بالفعل مش فقط بالكلام .. ما ينفعش يكون نفسك في البركة في يومك و إنت ما فكرتش غير في نفسك و ما يخصك و نسيت آخرين محتاجين طعام.. علاج.. كساء .. إيواء .. تعليم .. حرفة و عمل يجيبلهم دخل .. محتاجين حياة.. ممكن تسكت ضميرك و تقول مش عايزين يشتغلوا بيحبوا التواكل بيحبوا الشحاتة .. هل عرفت كده و متأكد عن 40 مليون إنسان.. و ممكن ترضي ضميرك و تقول أنا مسئول و إذا ما كنتش جزء من الحل فأنا جزء من المشكلة.. و تفكر إزاي نساعد كل إنسان يكون عايش حي زينا مش أحياء لكن ميتيين من قهر الذل و الحرمان.. ساعدهم بأي شكل يريحك بفلوس. بجهد.. بتوفير عمل .. بتدريب .. بإطعام اللي مش قادر يشتغل .. ساعدهم أن تقف لحقوقوهم و تكلم الناس عنهم.. ساعدهم بالدعاء .. بالمعاملة الحسنة.. ساعدهم أن تشعر لو دول أوﻻدك أو إخواتك أو والديك كنت هتعمل إيه